Mërgimtarët tanë derdhin pare në Kosovë

Gëzimi më i madh i kosovarëve ndodh në verë. Gjatë tri stinëve të tjera të vitit Kosova jeton nën ritmin e njëjtë. E, në verë gjërat ndryshojnë. Në këtë stinë vendi “pushtohet” nga mërgimtarët të cilët për dy javë qëndrim në Kosovë shpenzojnë më shumë se sa të kishin vizituar secilin vend tjetër në Evropë. Por në zemrat e mërgimtarëve ende ekziston atdhedashuria, humanizmi dhe respekti familjar. 

Sa herë që vijnë në Kosovë, mërgimtarët tanë nuk kursejnë asgjë për të plotësuar dëshirat e tyre dhe të familjarëve që jetojnë në Kosovë. Në këtë stinë, në sytë e kosovarëve vërehet gëzim i madh. Shitësit, restorantet, kafitëritë dhe të gjitha dyqanet tjera afariste i presin me gëzim ardhjen e tyre. Edhe të rinjtë dhe të rejat hapin sytë e veshtë që mos po iu shkrep fati që të lidhin fejesë më ndonjë prej mërgimtarëve tanë të cilët do ua ndryshojnë jetën e tyre. 

Të gjithë lutën që ata të rrinë sa me gjatë. Edhe pse kriza globale ka rrokë secilin vend nëpër Evropë, mërgimtarët tanë ende nuk ia kanë kthyer shpinën Kosovës dhe të afërmeve të tyre. Edhe këtë vit Kosova u mbush me bashkatdhetarë. Ata vazhdojnë të jenë “infuzioni” kryesor që Kosova dhe banorët e saj të marrin frymë më lirshëm dhe që të jetojnë gjallë. Pra, mërgimtarët tanë s’kanë si rangohen si OUT, apo jo?